ESKOLA KIROLA PROGRAMA eta TOPAKETAK

Jarraian, eskola kiroleko benjamin eta alebinen progama eta topaketak ikusi ahal dituzue.Programa zabala denez, aldaketak jasan ditzake.

Edonolako aldaketa bat eginez gero denborarekin abisatuko zaizue.

Egin klik zure adinari dagokion kategorian eta ikusi!!

BENJAMINAK                                                          ALEBINAK

 

ORDUTEGIA ESKOLA KIROLA

 

Eskola kiroleko saioen ordutegia 2021-2022 ikasturterako hauxe da:

ESKOLA KIROLA

 

1.- DEFINIZIOA ETA EZAUGARRIAK

Eskola-kirola Gipuzkoako Foru Aldundiak antolatuta, ikastetxeko ikasleek (neska-mutilak) praktikatzen dituzten araututako kirol jardunaldiaz osatzen da.

Eskola-kirolak hezitzailea izan behar du, hau da, giza harremanak landu, haurren garapenari eta formazioari garrantzia eman, kirola osasuntsua bultzatu, eta kirol eskeintza aberatsa haurrei eskaini.

Jakina da kirolak lehiakortasuna ezaugarri duela, eta bere neurrian hori ere bultzatu egin behar dela; hori bai, eskola-kirolean lehiaketaren erabilpen egokia ezinbestekoa da.

2.- HELBURUAK

Eskola-kirolak hiru zutabe nagusiei erantzuna ematen saiatu behar du: hezkuntza, kirola eta euskara.

Aipaturiko hiru funtsezko zutabe horietan honako helburu hauek finkatuko ditugu:

1.- Kirol ezberdinak ezagutu.

2.- Haur guztien partehartzea eta ongi pasatzea bermatu.

3.- Haurren arteko harremanak sustatu: elkarren arteko errespetua,  disziplina, konpromisoa,  joko garbia, kiroltasuna‚Ķ

4.- Kirol ekintza guztietan euskararen erabilpena bultzatu, euskara kirolarekin erlazionatuz.

3.- MAILAK

3.1. Benjaminak: lehen hezkuntzako 3. eta 4. mailak

3.2. Alebinak: lehen hezkuntzako 5. eta 6. mailak

4.- KIROLAK

4.1. BENJAMINAK

Futbola, rugbya, saskibaloia, igeriketa, atletismoa, herri kirolak, judoa eta txirrindularitza.

Parte-hartzen duten haur guztiek aipaturiko kirol guzti horiek  praktikatu eta ezagutu behar dituzte.

4.2. ALEBINAK

Saskibaloia, futbola, boleibola, eskupilota, paleta, atletismoa, igeriketa, judoa eta herri kirolak dira praktikatzen dituzten kirolak.

Parte-hartzen duten haur guztiek aipaturiko kirol horien artean bi aukeratu behar dituzte, eta horiek praktikatu eta ezagutzen dituzte ikasturtean zehar.

5.- ANTOLAKUNTZA

Gipuzkoako Foru Aldundiko kirol sailak eskola-kiroleko jarduerak antolatzen ditu.

Herri mailan eskola-kiroleko batzordea osatua dago, hain zuzen ere, herriko ikastetxetako eskola-kiroleko arduradunak, eta Udal Patronatuko kirol koordinatzaileak osatzen duten batzordea.

Ikastetxe mailan, eskola-kirola eskolaz kanpoko ekintza denez, arduraduna guraso elkartea da; elkarte horretan eskola-kiroleko guraso arduradun bat dago; ondoren, aipaturiko eskola-kiroleko barne-koordinatzailea eta kanpoko koordinatzailea daude; azkenik, hezitzaileak edo monitoreak daude, horiek ikasleekin zuzenean eskola-kiroleko ekintzak, entrenamenduak eta partidak aurrera eramanez.

Antolakuntza mailan guztion artean koordinatuz eskola-kirolaren funtzionamendu egokia aurrera eramaten saiatuko dira.

6.- FINANTZIAZIOA

Eskola-kirolaren finantziazioaz ikastetxeko guraso elkartea arduratzen da; horretarako, alde batetik Gipuzkoako Foru Aldundiko eta Udaletxeko diru-sarrerak  dauzka, eta bestalde, eskola kirolaren gastuak bere gain hartuko ditu.