ENERGIA: BIZITZAREN MOTORRA

Familia estimatua,
Hasi gara, aurten ere, Eskolako Agenda 2030 programa mamitsuari tiraka. Iaz landutako gaia izango dugu abiapuntu: ENERGIA, BIZITZAREN MOTORRA. Gogora ekarriz, 2022-2023 ikasturtean 7. Garapen Jasangarrirako Helburua
lantzea erabaki zen, ENERGIA ESKURAGARRI ETA EZ KUTSATZAILEA. Bi ikasturteetako ekimenari hasiera eman genion eta aurreko ikasturtean diagnostikoa eginda, aurten ekintzetara pasatzeko garaia iritsi zaigu. Beraz, esku-hartze plana garatuko dugu.
Zazpigarren helburu honen xedea guztiontzat energia eskuragarria, segurua, jasangarria eta modernoa bermatzea da eta, era berean, iturri berriztagarrietatik datorren energia eta energia-eraginkortasuna handitu nahi dira. 

Gure ikastetxea aztertu genuen, energiaren ikuspuntutik sakonduz. Eta era berean, herriaren funtzionamendua ezagutzen aritu ginen. Egindako diagnostikoan oinarrituta eta esku-hartze planerako energiaren zein alderdi jorratu aztertu ondoren, 2023-2024 ikasturtean bi ekimenetan sakontzea aukeratu genuen. Hauek dira:
          - Lehen Hezkuntzan, LAGUNBUSA, elkarrekin ikastolara.
          - Bigarren Hezkuntzan herritarren artean sentsibilizazio kanpaina bat antolatu eta informazioa zabaldu.
Ikasturtean zehar, zuen seme-alabekin batera, hausnartzeko aukera paregabea dugu. Burutuko diren ekintzen berri izango duzue eta zuen proposamenak ongietorriak izango dira. Animatzen zaituztegu zuek ere, zuen seme-alabekin batera, herri jasangarri baten alde borrokan bat egitera. Inor atzean utzi gabe!

Agur bero bat,

Eskolako Agenda 2030eko batzordea